Leik- og söngkonan Taryn Manning, þekkt úr sjónvarpsþáttunum Orange Is the New Black, vakti athygli á Instagram í gær með myndbandi, þar sem hún sýndi brjóst sín frjálslega.

Í klippunni sést hún dansa berfætt, með opna skyrtu sem hún lætur falla niður og sýnir alla bringuna. Hún fylgdi myndbandinu með eftirfarandi texta: „Við höfum engin tök á útkomunni. Evukæðin eru þín. Mundu að við urðum meðvituð um okkur sjálf aðeins eftir að Eva brást. Farið aftur til rótanna! Verið frjáls aftur.“

Fylgjendur hennar voru á reiki um hvað þetta þýddi. Einn spurði: „Er þetta nýja Britney?“ en Manning lék einmitt með Britney Spears í kvikmyndinni Crossroads árið 2002. Í viðtali við This Is Paris podcastið árið 2021 sagði Manning að hún hefði ekki talað við Spears í tæp tíu ár en mundi að Britney mátti ekki eiga samskipti á tökustaðnum þegar þær unnu saman.

Síðan að hún lék í þáttunum OITNB hefur Manning leikið helling, síðast í hryllings- og spennumyndinni Bloodline Killer sem kom út í fyrra.

Ástæðan fyrir þessari Instagram-færslu er óljós, en leikkonan hefur áður vakið athygli fyrir furðulegar framkomur. Árið 2023 var hún sögð hafa sést úti í nærfötum með hund í Palm Springs, og fyrr á árinu birti Daily Mail mynd af henni sitjandi á bíl með Trump-Vance límmiðum, illa til höfð.