Karlmaður lést í La Orotava héraðinu á Tenerife eftir umferðarslysi á TF-21 veginum á eyjunni. Maðurinn ók mótorhjóli og er sagður hafa misst stjórn á því og farið út af veginum en slysið átti sér stað í kringum hádegi í gær.

Sjúkraþyrla og sjúkrabílar voru send á vettvang en samkvæmt upplýsingum frá viðbragðsaðilum var maðurinn látinn þegar hann fannst.

Rannsókn stendur nú yfir á tildrögum slysins að sögn lögreglu og hefur fjölskylda mannsins verið látin vita af andláti hans. Engar upplýsingar hafa verið gefnar upp um þjóðerni mannsins.

Stutt er síðan einn lést á Tenerife eftir að bíll hans klessti á rútu en með viðkomandi í bílnum voru kona og 11 ára gömul stúlka.