Leikkonan og fyrirsætan Elizabeth Hurley hefur vakið mikla athygli á samfélagsmiðlum eftir að hafa birt myndir af sér í hálfgegnsærri, hvítri blúndukápu úr eigin sundfatalínu. Á myndunum stillir hún sér upp berbrjósta og klæðist hvítum bikiníbuxum með háu mitti.

Hurley, sem er 61 árs, birti myndirnar á Instagram 3. október síðastliðinn. Við færsluna skrifaði hún að kápan væri í miklu uppáhaldi hjá sér og að hún tæki hana með sér í hvert einasta frí.

Útlit leikkonunnar vakti viðbrögð fylgjenda, sem hrósuðu henni í athugasemdum. Hurley hefur um árabil birt myndir af sér í sundfatnaði á samfélagsmiðlum og notað þær til að kynna eigin vörumerki, Elizabeth Hurley Beach.

Hreyfir sig í daglegu lífi

Hurley hefur áður rætt um hvernig hún heldur sér í formi og segir að það þurfi ekki endilega að þýða strangar æfingar í líkamsræktarstöð. Hún fylgir ekki fastri æfingaáætlun heldur reynir að vera virk í daglegu lífi.

Meðal þess sem hún nefnir eru garðyrkja, göngutúrar með hundana sína og heimilisstörf.

Hún hefur einnig lýst einföldu viðhorfi sínu til mataræðis. Hún reynir að borða náttúrulegan mat, þar á meðal mikið af ávöxtum og grænmeti, og hefur áður mælt með minni máltíðum, minna narti milli mála og meiri hreyfingu. Hún hefur þó tekið fram að þetta sé sú aðferð sem henti henni sjálfri.

Skvísa á sjötugsaldri

Hurley hefur haldið áfram að klæðast áberandi sundfatnaði og birta myndir af sér úr fríum, fram yfir sextugt. Hún hefur meðal annars sést í litlum bikiníum, sundbolum og gegnsærum strandfatnaði.

Myndirnar eru í samræmi við þá ímynd sem hún hefur skapað sér á samfélagsmiðlum, þar sem hún sameinar tísku, strandlíf og kynningu á eigin vörumerki og sýnir svo ekki sé um villst að aldurinn er bara tala.