Þóra Jóns­dótt­ir skáld lést á hjúkr­un­ar­heim­il­inu Grund, 100 ára að aldri en mbl.is greindi frá andláti hennar.

Þóra fæddist 17. janú­ar árið 1925 á Bessa­stöðum á Álfta­nesi. For­eldr­ar henn­ar voru Jón H. Þor­bergs­son, bóndi á Laxa­mýri, og Elín Vig­fús­dótt­ir, hús­freyja og skáld.

Þóra settist á skólabekk við Héraðsskól­ann á Laug­um í Reykja­dal á ár­un­um 1940-1942. Hún lauk svo stúdentspróf úr MA á Akureyri.

Þóra kenndi við Flens­borg­ar­skól­ann í Hafnar­f­irði vet­ur­inn 1948-1949. Hélt síðan til Danmerkur - Kaup­manna­hafn­ar - þar sem hún nam bók­mennt­ir við Hafn­ar­há­skóla frá 1949-1952.

Eft­ir heimkomuna fór Þóra í Kenn­ara­skóla Íslands; lauk prófi þaðan árið 1968.

Hún starfaði á Borg­ar­bóka­safni Reykja­vík­ur á ár­un­um 1975-1982. Þóra var skáld og fyrsta ljóðabók hennar, Leit að tjald­stæði, var útgefin árið 1973. Eft­ir það sendi Þóra frá sér fjölda ljóðabóka auk ljóðaþýðinga.

Þá kom út safn­rit með ljóðum úr fyrstu sjö ljóðabók­um Þóru hjá bóka­for­laginu Sölku haustið 2005, und­ir titl­in­um Landið í brjóst­inu. Auk skáld­skap­ar­ins vann Þóra við mynd­list og á mörg­um káp­um bóka henn­ar voru henn­ar eigin myndir.

Eig­inmaður Þóru var Páll Flygenring ráðuneyt­is­stjóri, sem lést árið 2017 og börn þeirra eru Björn, Krist­ín og Elín.