Eins og búast má við eru margir sem minnast Davíðs Oddssonar, fyrrum forsætisráðherra og borgarstjóra, en hann lést í gærkvöldi.

Ein þeirra sem minnist Davíðs er baráttukonan og lögfræðingurinn Katrín Oddsdóttir.

„Mér finnst góður siður að segja eitthvað fallegt um fólk þegar það kveður,“ skrifar lögfræðingurinn á samfélagsmiðla.

„Um Davíð Oddsson má segja það að hann stóð fallega með réttindabaráttu samkynhneigðra í upphafi hennar þegar slík afstaða var ekki sjálfsögð. Til dæmis skilst mér að hann hafi látið Samtökin 78 hafa Gula húsið í Lindargötu þegar hann var borgarstjóri og þar með þak yfir höfuðið. Sem forsætisráðherra skipaði Davíð nefnd til að kanna ítarlega réttarstöðu samkynhneigðs fólks og gera tillögur um úrbætur,“ heldur hún áfram.

„Mér hefur alltaf þótt þetta fara furðu lágt í umræðum um þennan stóra karakter en hafi hann þökk fyrir og megi hann hvíla í friði.“