Lögregla sinnti fjölbreyttum verkefnum í nótt og í gærkvöldi, þar á meðal útköllum vegna veðurskemmda, umferðarlagabrota og þjófnaðar.

Tilkynningar bárust um foktjón á nokkrum stöðum þar sem aðstoðar lögreglu var óskað. Meðal annars var brugðist við þar sem þakplötur voru að fjúka af húsum og einnig þar sem klæðning tók að losna.

Þá var tilkynnt um þjófnað úr verslun.

Í umferðareftirliti voru skráningarmerki fjarlægð af bifreiðum sem ekki höfðu verið færðar til aðalskoðunar innan tilskilins tíma.

Einnig komu upp mál tengd akstri undir áhrifum áfengis og vímuefna. Tveir ökumenn voru handteknir, annar grunaður um akstur undir áhrifum vímuefna og hinn vegna gruns um ölvun við akstur.