Baldur Sveinsson, kennari og flugvélaljósmyndari, lést á lungnadeild Landspítalans í Fossvogi 15. september, 84 ára að aldri.
Greint er frá andláti hans í Morgunblaðinu.
Baldur fæddist í Reykjavík 25. janúar 1942. Hann lauk stúdentsprófi frá Verzlunarskóla Íslands árið 1962 og öðlaðist síðar kennsluréttindi frá Háskóla Íslands. Hann starfaði við Verzlunarskólann í 43 ár, meðal annars sem stærðfræði- og tölvukennari, þar til hann lét af störfum árið 2007.
Baldur hafði frá unglingsárum mikinn áhuga á flugvélum og ljósmyndun og er talið að hann hafi átt stærsta safn flugvélamynda á Íslandi. Myndir hans birtust víða og meðal annars í bókinni Flugvélar á Íslandi.
Baldur lætur eftir sig eiginkonu, Kristínu Ingunni Jónsdóttur en þau áttu þrjú börn saman.
