Matvælastofnun varar neytendur við neyslu á kryddinu Timur berry frá framleiðandanum Medelys, en Salmonella greindist í vörunni. Lifa ehf., sem dreifir kryddinu hér á landi, hefur innkallað það í samráði við Heilbrigðiseftirlit Reykjavíkur.

Kryddið var selt í versluninni Kokka að Laugavegi 47 í Reykjavík.

Innköllunin nær eingöngu til vörunnar sem er merkt Medelys Timur berry (Zanthoxylum armatum) / Baie De Timur Nepal, með síðasta neysludegi merktum 5. maí 2030. Nettómagn pakkningarinnar er 500 grömm og er kryddið framleitt í Nepal.

Matvælastofnun beinir þeim tilmælum til neytenda sem hafa keypt vöruna að neyta hennar ekki. Þeir eru hvattir til að farga kryddinu eða skila því í verslunina þar sem það var keypt.