Matvælastofnun varar við neyslu á tveimur tegundum af fæðubótarefnum af vörumerkinu Guli miðinn frá Bretlandi sem Heilsa ehf. flytur inn vegna aðskotaefnisins pyrrolizidine alkalóíða sem mældist yfir mörkum. Fyrirtækið hefur innkallað vörurnar í samráði við Heilbrigðiseftirlit Reykjavíkur.

Neytendur sem hafa keypt umræddar vörur eru beðnir um að hætta notkun þeirra og farga en einnig má skila þeim í versluninni þar sem þær voru keyptar eða hjá Heilsu ehf.