Aðili sem ekki vildi yfirgefa Grindavík ógnaði björgunarsveitarfólki með byssu þegar það vann að rýmingu bæjarsins vegna eldgoss, samkvæmt frétt RÚV.

Björgunarsveitarfólkið þáði í kjölfarið áfallahjálp sem Rauði krossinn veitti. Átta einstaklingar neituðu að yfirgefa heimili sín í Grindavík í morgun en er sú tala kominn niður í 0.

Helena Rós Sturludóttir, samskiptastjóri Ríkislöreglustjóra, staðfesti við RÚV að sérsveitin hafi verið kölluð út vegna þess að björgunarsveitarfólkinu var ógnað með skotvopni en ekki sé hægt að veita frekari upplýsingar um málið.

Uppfært: Maðurinn hefur hafnað því að hafa beint byssu að björgunarsveitarmönnum.