Í dagbók lögreglu frá því í nótt er greint frá því að lögreglan hafi fengi tilkynningu um slagsmál á hóteli í miðbænum. Þegar lögregla kom á staðinn var einn aðili þar mjög æstur og hafði hann, að sögn vitna, verið aðalvandamálið á svæðinu. Þegar lögregla ætlaði að ræða við hann brást hann illa við og var handtekinn og fjarlægður af hótelinu.

Tilkynnt var um eignaspjöll á veitingastað. Þegar lögregla kom á staðinn var starfsmaður búinn að ræða við geranda og líklega hafði verið um óhapp að ræða.

Þá var tilkynnt um umferðarslys en þar höfðu tvær bifreiðar lent saman. Ekki er vitað um slys á fólki en málið er í rannsókn.

Talsvert var um ökumenn sem voru að keyra án ökuréttinda, fullir og/eða undir áhrifum fíkniefna.