Að minnsta kosti tveir létust og nokkrir særðust í dag, að því er ríkismiðlar í Grikkland greindu frá, í skotárás á grísku eyjunni Krít sem grunur leikur á að tengist fjölskylduútistöðum.

Ríkisfréttastofan ANA sagði að minnsta kosti tveir, þar á meðal 50 ára kona, hefðu verið drepnir eftir að byssumenn skutu á hús í þorpinu Vorizia, um það bil 52 kílómetra suðvestur af höfuðborg eyjarinnar, Iraklio.

Að minnsta kosti 10 manns til viðbótar særðust, að því er ANA greindi frá.

Atvikið átti sér stað nokkrum klukkustundum eftir að sprengiefni var komið fyrir í byggingu, sagði fréttastofan.

Vopnaðir lögreglumenn sáu um gæslu á svæðinu svo sjúkrabílar gætu sótt hina særðu, að því er ríkissjónvarpið ERT greindi frá.

Ólögleg vopnaeign er útbreidd á Krít, og fjölskylduútistöður eru algengar á eyjunni.

Síðasta sunnudag skaut 23 ára maður, og drap, 52 ára mann á þorpshátíð í vesturhluta Krítar.