Vegagerðin vekur athygli á gulum og appelsínugulum viðvörunum frá Veðurstofu Íslands sem nú eru í gildi og vara fram eftir þriðjudegi.

Viðvörunin nær til Norðurlands vestra, Norðurlands eystra, Austfjarða og hálendisins. Reikna má með hvassviðri og ofankomu, slyddu eða snjókomu til fjalla.

„Akstursskilyrði geta versnað verulega, einkum fyrir ökutæki sem taka á sig mikinn vind og eru ekki útbúin til vetraraksturs. Töluverðar líkur eru á samgöngutruflunum og mögulegt að vegir lokist á einhverjum tímapunkti. Á morgun þriðjudag eru viðvaranir um allt landið. Ökumenn eru hvattir til að fylgjast vel með færð og veðri ef ekið er á milli landshluta og sýna fyllstu aðgát og varkárni. “