Tímaritið Mannlíf var fyrst gefið út árið 1984 sem tímarit almenns eðlis. Mannlíf hefur verið gefið út í fjölbreyttri mynd.

„Það var ekki hægt að velja víðtækara nafn á blaðið, enda á hér allt að vera komið í einu og sama tímaritinu,“ sagði Herdís Þorgeirsdóttir, fyrsti ritstjóri Mannlífs.

Fyrsti hönnuður Mannlífs var myndlistarmaðurinn Jón Óskar. Björgvin Ólafsson myndlistarmaður hannaði lógó Mannlífs sem notað var árin 1987–1998 og var endurvakið í nýrri hönnun Jóns Inga Stefánssonar á vef Mannlífs í mars 2025.

Herdís Þorgeirsdóttir lét af störfum sem ritstjóri í 1986. Árni Þórarinsson var í kjölfarið ráðinn ritstjóri. Gerður Kristný var ritstjóri frá 1998 til 2004. Ritstjóri Mannlífs árið 2004 varð Reynir Traustason. Árið 2010 var Mannlífi breytt í fréttatímarit og var ritstjóri Sigurjón M. Egilsson.

Árið 2020 sneri Reynir Traustason aftur í ritstjórastól Mannlífs og var miðillinn gefinn út sem beittur fréttavefur, samhliða tímariti í frídreifingu. Reynir lét af störfum í febrúar 2025.