Skipstjórinn í Covid-einangrun með undirmönnunum: „Ég hef ekkert að segja vinur“

Sveinn Geir Arn­ars­son, skip­stjóri fyrsti­tog­ar­ans Júlíusar Geir­munds­sonar, er í ein­angrun með covid-sýktum und­ir­mönnum sínum að Holti í Önund­ar­firði. Hann hefur ítrekað neitað að ræða málið þegar eftir því hefur verið leitað. „Ég hef ekk­ert að segja vinur,“ segir Sveinn í sam­tali við Mannlíf.

Lög­reglan á Vest­fjörðum gaf rétt í þessu út yfir­lýs­ingu þess efnis að lög­reglu­rann­sókn fari fram varð­andi Covid-19 fjölda­smitin um borð í tog­ar­anum. Málið verður rann­sakað sem saka­mál. „Lög­reglu­stjór­inn á Vest­fjörðum hefur ákveðið að taka til rann­sóknar atvik er varðar Covid-19 smit áhafna­með­lima um borð í frysti­tog­ar­anum Júlíusi Geir­munds­syni ÍS-270. Skipið kom til jafnar á Ísafirði þriðju­dag­inn 20. októ­ber sl. Af þeim 25 áhafna­með­limum sem voru um borð reynd­ust 22 smit­aðir af covid-19. Rannsókn lög­regl­unnar á Vest­fjörðum miðar að því að afla upp­lýs­inga og gagna um þá atburða­rás sem varðar þessi smit og veik­indi áhafna­með­lima. Ótíma­bært er að gefa út frek­ari upp­lýs­ingar að sinni,“ segir í til­kynn­ingu lög­regl­unnar.

Einar Valur Krist­jáns­son, fram­kvæmda­stjóri Hrað­frysti­húss­ins Gunn­varar, hefur lýst því yfir að það hafi ekki verið skipun frá útgerð­inni að halda veið­unum áfram þrátt fyrir veik­indin. Hann seg­ist ekki geta útskýrt ákvarð­anir skip­stjór­ans. „Ég get ekki útskýrt það. Það er eig­in­lega ekki hægt að útskýra það. Það hefði verið rétt að fara í land en þetta var bara svona,“ sagði Einar Valur í sam­tali við Vísi.

Mannlíf greindi fyrst frá fjölda­sýk­ingum Covid-19 um borð í frysti­tog­ar­anum. Tog­ar­anum var skipað í land eftir þriggja vikna túr þar sem áhöfnin full­yrðir að hún hafi verið neydd til vinnu þrátt fyrir veik­indin. Arnar Hilm­ars­son háseti var einn þeirra sem rauf þögn­ina um hvað raun­veru­lega gerð­ist á skip­inu. Fram­kvæmda­stjór­inn hefur beðist afsök­unar á mál­inu en það var hins vegar ekki gert fyrir en eftir nokk­urra daga yfir­klór og þöggun.

Líkt og Mannlíf greindi líka fyrst frá voru for­svars­menn Hrað­frysti­húss­ins Gunn­varar, sem gerir út togar­ann, ítrekað hvattir til að halda með skipið í land í Covid-sýna­töku. Þau til­mæli bár­ust frá umdæm­is­lækni sótt­varna á Vest­fjörðum, Súsönnu Björgu Ást­valds­dóttur, meðal ann­ars á þriðja degi túrs­ins, en þau til­mæli voru virt að vettugi.

Útgerðin sendi hins vegar frá sér yfir­lýs­ingu þar sem það sagði að í ljósi þeirrar vit­neskju sem nú liggur fyrir hefði átt að kalla skipið fyrr til hafnar. Fyr­ir­tækið lét líka í það skína að það hafi verið ákvörðun ann­arra að ekki hafi verið ástæða til að halda með skipið til hafnar snemma í túrnum. Súsanna sagði í sam­tali við Mannlíf það hins vegar kýr­skýrt að hún hvatti útgerð­ina alveg frá upp­hafi að fara með skip­verja í sýna­töku. Það hafi hún gert ítrekað á meðan túrnum stóð.

„Þetta var ekki mín ákvörðun og þetta hefði getað farið verr. Mín til­mæli hafa verið, og verða alltaf, alveg sama hvar þú ert staddur í heim­inum, að þú eigir að koma í sýna­töku ef þú ert með ein­kenni. Ég get stað­fest að þau sam­skipti áttu sér stað milli mín og útgerð­ar­innar, þar af mjög snemma í túrnum. Tilmæli mín eru mjög ein­föld,“ sagði Súsanna.

Útgerðin virð­ist sek um að hafa stofnað manns­lífum í hættu með því að halda sjó þrátt fyrir að stærstur hluti áhafn­ar­innar hafi verið veikur. Þrátt fyrir end­ur­tekin til­mæli sótt­varna­yf­ir­valda hélt skip­stjór­inn ekki til hafnar til að láta skima fyrir veirunni og kom hinum  sjúku í skjól. Þvert á móti var haldið áfram í túrnum með þeim afleið­ingum að nán­ast allir úr áhöfn­inni veikt­ust. Skipið hélt loks til hafnar, rúmum tveimur vikum eftir að veik­indin hófust til að taka olíu.

Á end­anum voru 22 af 25 manna úr áhöfn frysti­tog­ar­ans sýktir af Covid. Nokkrir áhafn­ar­með­limir frysti­tog­ar­ans héldu í Covid-ein­angrun í skóla­bygg­ingu að Holti í Önund­ar­firði og meðal þeirra eru sjálfur Sveinn skip­stjóri.