Óvíst hvort Gunna Dís muni lýsa Eurovision

Þrátt fyrir að Ísland taki ekki þátt í Eurovision í ár mun RÚV sýna keppn­ina en óvíst er hver mun lýsa henni. Þetta kemur fram í svari Evu Georgs. Ásu­dóttur, dag­skrár­stjóra RÚV, til Mannlífs.

„RÚV mun sýna frá Eurovision í maí næst­kom­andi en það hefur hvorki verið tekin ákvörðun um það hver kemur til með að lýsa keppn­inni né hvernig annarri umgjörð verður háttað,“ sagði Eva í svari sínu en und­an­farin tvö ár hafa Gunna Dís og Gunnar Birg­is­son séð um að lýsa keppn­inni.

Mannlíf spurði einnig hvort til stæði að halda ein­hvers konar keppni með öðrum þjóðum sem hafa dregið sig úr keppni.

„RÚV er ekki kunn­ugt um nein form­leg áform meðal þeirra þjóða sem hafa ákveðið að sleppa þátt­töku í Eurovision í ár um sam­eig­in­legan við­burð. Ekki hefur verið tekin ákvörðun um það hvort að Söngvakeppnin verði haldin í ár en það verður alla vega ekki í febr­úar eins og verið hefur,“ segir Eva.

VÆB tók þátt fyrir hönd Íslands í Eurovision í fyrra og lenti í 25. sæti með lagið Róa.