Eftir því sem dregur nær nýju ári hefur hluti netheimsins enn og aftur farið að velta því fyrir sér hvað fornspámenn og samtímasmiðlar segi að bíði mannkyns á komandi ári.

Nafn Baba Vanga hefur enn á ný komið aftur upp á yfirborðið, þar sem fylgismenn hennar eru farnir að skoða á ný eina umdeildustu spá hennar, spá sem sumir telja geta átt við árið 2026: að siðmenning okkar muni brátt átta sig á að hún hafi „gengið of langt“. Spáin á að fjalla bæði um tækni og siðferði. Samkvæmt trúendum spáði miðillinn því að til kæmi ár þar sem sérfræðingar og samfélög víða um heim kæmu sér sameiginlega að þeirri niðurstöðu að mörk hefðu verið brotin, bæði siðferðileg og tæknileg.

Þeir halda einnig fram að þessi vitundarvakning verði ekki bundin við einn afgerandi atburð heldur komi fram í vaxandi alþjóðlegro spennu og vísindalegum framförum sem breyti því hvernig mannfólk tengist og lifir. Auk tæknilegra áhyggja bendir Sky History á að þótt margar spár Baba Vanga um efnahagsleg hrun tengist árinu 2025, túlki fylgismenn hennar sýnir hennar þannig að efnahagsleg óvissa og óstöðugleiki muni vara áfram um heim allan inn í árið 2026, samkvæmt Express.

Fylgismenn hennar vísa einnig í meintar viðvaranir hennar um stjórnlausar framfarir í vísindum og heilbrigðismálum. Daily Mail dró sérstaklega fram einn slíkan spádóm sem snýr að hraðri þróun í gervilíffærum og líffæraígræðslum. Á sama meiði er Baba Vanga eignað að hafa spáð því að fjöldaframleiðsla gervilíffæra gæti hafist árið 2046 hið fyrsta. Siðferðilega og tæknilega grá svæði sem hún á að hafa vísað til eru oft tengd við meinta spá hennar um stórar framfarir í greiningu á krabbameini.

Fylgismenn hennar telja að árið 2026 gætu blóðpróf sem greina margar tegundir krabbameina á frumstigi byrjað að ryðja sér til rúms í að minnsta kosti einu stóru ríki. Þeir segja að hæfni til að greina illvíg krabbamein snemma gæti bjargað lífum, en jafnframt vakið áhyggjur af fölskum jákvæðum niðurstöðum, kostnaði og forgangsröðun ákveðinna hópa.

Baba Vanga, sem hét réttu nafni Vangelia Pandeva Gústeróva, lést árið 1996 úr brjóstakrabbameini. Fylgismenn hennar telja þó að hún hafi skilið eftir þúsundir spádóma sem nái allt til ársins 5079, þrátt fyrir að engin skrifleg skjöl séu til. Spárnar eiga að hafa varðveist í fjölskyldunni, þar á meðal hjá frænku hennar, Krasimiru Stoyanova.

Baba Vanga hefur lengi verið tengd við spár um alþjóðlega stóratburði, á borð við árásirnar 11. september í New York, dauða Díönu prinsessu og veðurtengdar hamfarir. Gagnrýnendur halda hins vegar fram að flestar spár hennar séu óljósar og opnar fyrir túlkun.