Hljómsveitin Bastarður er ein fjölmargra sem koma mun fram á SÁTAN tónleikahátíðinni sem fer fram í sumar. Eins og margir vita sló sveitin í gegn árið 2021 með plötunni Satan’s Loss of Son og hafa lögin Afturhalds Kommatittir og Viral Tumor verið í mikilli spilun hjá rokkurum landsins.

SÁTAN er þriggja daga þungarokkshátíð haldin í Stykkishólmi á Snæfellsnesi. Hátíðin leggur áherslu á að bjóða upp á fjölbreytt úrval af fremstu þungarokkshljómsveitum Íslands hverju sinni ásamt vel völdum erlendum hljómsveitum. Verður þetta annað árið sem SÁTAN er haldin en að sögn gesta heppnaðist hátíðin í fyrra mjög vel.

Hér fyrir neðan er hægt að sjá lista yfir hljómsveitir og atriði sem munu koma fram á hátíðinni sem fer fram í byrjun júní.

• Altari
• Bastarður
• Beneath
• Carcass
• Celestial Scourge
• Duft
• Dys
• Forgarður Helvítis
• Forsmán
• Fortíð
• High Parasite
• Miðnótt
• Momentum
• Sinmara
• Skálmöld
• Sororicide
• Taake
• Vader
• Vafurlogi
• The Vintage Caravan
• World Narcosis