Mikil ánægja var með Áramótaskaup RÚV sem sýnt var um síðustu áramót ef marka má viðbrögð fólks á internetinu og könnun sem lesendur Mannlífs tóku þátt í.

Meðal annars var gert grín að Bassa Maraj fyrir að kyrkja leigubílstjóra, lélegum launum og réttindum starfsmanna Wolt, sköllóttum karlmönnum á leið til Tyrklands í hárígræðslu og auðvitað var gert grín að mörgum stjórnmálamönnum eins og venjan er.

Handritshöfundar þetta árið voru Anna Svava Knútsdóttir, Björn Bragi Arnarson, Jón Ragnar Jónsson, Karen Björg Eyfjörð, Ólafur Ásgeirsson, Allan Sigurðsson og Hannes Þór Arason. Leikstjórar voru þeir Allan Sigurðsson og Hannes Þór Arason.