Hljómsveitin Moses Hightower hélt vel sótta tónleika á Kaffi Flóru í Grasagarðinum í Reykjavík í kvöld. Tónleikarnir voru hluti af haustdagskrá Kaffi Flóru og var góð stemning meðal tónleikagesta.

Sveitin mætti með nýútkomna plötu í farteskinu og flutti lög af henni fyrir gesti. Þá fengu tónleikagestir einnig að heyra enn nýrra efni frá Moses Hightower, en sveitin vinnur nú að annarri plötu.

Nokkrir góðir gestir stigu einnig á svið með sveitinni. Söngvarinn Friðrik Dór kom fram við góðar undirtektir auk rapparans Cell7, sem setti sinn svip á kvöldið.

Fjölmenni lagði leið sína á Kaffi Flóru af þessu tilefni og virtust gestir skemmta sér hið besta. Meðal þeirra sem fylgdust með tónleikunum var Daði Már Kristófersson fjármálaráðherra.