Skipuleggjendur Lilló Hardcore Fest hafa nú birt heildarlista yfir þær hljómsveitir sem koma fram á hátíðinni í ár. Lilló hefur verið haldið árlega á Akranesi síðan 2022 og hefur á þeim tíma fest sig í sessi sem einn af föstum viðburðum í íslensku harðkjarna- og pönksenunni, þar sem innlendar og erlendar hljómsveitir hafa komið fram og skemmt gestum.

Hátíðin árið 2026 fer fram í Keilusal Akraness dagana 30.–31. október.

Eftirfarandi hljómsveitir koma fram:

• I Adapt
• Dødsdømt (Noregi)
• Innvortis
• Gaddavír
• Gavin Portland
• Grafnár
• Dr. Gunni
• ROHT
• Nöll
• Ónæði
• Svarta María
• Þrumudætur
• Kex

Hátíðin er öllum aldurshópum opin og er miðalaus, en jafnframt er lögð rík áhersla á að þar séu hvorki vímuefni né tengsl við styrktaraðila.