Einstök 351 fermetra eign við Fjölnisveg í Þingholtunum í Reykjavík hefur verið sett á sölu. Húsið var byggt árið 1936 og er óskað eftir tilboði í eignina.

Samkvæmt skráningu HMS er birt flatarmál eignarinnar 351,2 fermetrar. Um er að ræða tvær sérhæðir með sitt hvort fasteignanúmerið, auk kjallara og 35 fermetra bílskúrs sem reistur var árið 1942.

Neðri sérhæðin og kjallarinn eru samtals skráð 206,9 fermetrar en efri sérhæðin 109,3 fermetrar. Aukin lofthæð er á báðum íbúðarhæðum hússins en ekki er full lofthæð í kjallaranum.

Lóðin er 675,4 fermetrar að stærð og þar er lokaður og skjólgóður suðvesturgarður ásamt veröndum. Þá fylgja eigninni fjórar geymslur, þar á meðal stórt innréttað háaloft, heit geymsla með sérinngangi við bílskúr, köld geymsla í kjallara og garðgeymsla.

Bílskúrinn er innréttaður og fallegt útsýni er frá húsinu. Að sögn eigenda hefur eigninni verið vel við haldið í gegnum tíðina.

Fjölnisvegur er í Þingholtunum í miðborg Reykjavíkur og er stutt þaðan í skóla, leikskóla og helstu þjónustu. Einnig er göngufæri í miðborgina og nærliggjandi hverfi.