Íslenski barinn Nostalgía á Tenerife, sem hefur verið vinsæll viðkomustaður Íslendinga um árabil, mun á næstunni flytja í nýtt og glæsilegt húsnæði. Nýi staðurinn er staðsettur í sjálfu hjarta Amerísku strandarinnar (Playa de las Américas).
Eigendur barsins, hjónin Sævar og Herdís, greindu frá flutningunum á samfélagsmiðlum og sögðu að þrátt fyrir breytta staðsetningu myndu gestir áfram ganga að sömu sögu og andrúmslofti vísu. „Sama nostalgía, nýr staður,“ sögðu eigendurnir í tilkynningu sinni.
Nostalgía hefur um árabil verið þekkt fyrir ósvikna íslenska stemningu, léttan barmatseðil, vinsæla hamborgara og hefðbundinn steiktan fisk. Þá hafa sérstök fiskihlaðborð, sem auglýst eru reglulega, verið eitt af helstu aðdráttarafli staðarins.
Tilkynningunni hefur verið gríðarlega vel tekið og rignir hamingjuóskum yfir Sævar og Herdísi í athugasemdakerfum, en staðurinn hefur löngum þótt mikilvæg samkomumiðstöð fyrir Íslendinga í sólinni á Tenerife. Ekki hefur enn verið gefin út nákvæm dagsetning fyrir opnun nýja staðarins, en ljóst er að eftirvæntingin er mikil.
