Þrátt fyrir að ábendingar almennings séu enn helsti drifkraftur lögreglurannsóknarinnar í máli Hönnu, sem saknað hefur verið frá 6. janúar í Uddevalle í Svíþjóð, staðfesti lögreglan í morgun að farsími hennar sé í vörslu lögreglu. Þetta kemur í frétt staðarmiðilsins Skaraborgs Nyheter.

„Við erum með síma sem tilheyrir henni,“ segir talsmaður lögreglunnar, Thomas Fuxborg.

Hann undirstrikar þó að það útiloki ekki að Hanna geti enn haft aðgang að öðrum farsíma.

„Ég veit ekki hvort hún hafi fleiri síma, það er ekki erfitt að útvega sér farsíma í dag,“ bætir hann við.

Að hans sögn halda ábendingar áfram að knýja rannsóknina áfram og lögreglan er enn mjög áhugasöm um að fá fleiri upplýsingar frá almenningi.

Hanna er með sítt, ljósbrúnt hár og er um 166 sentímetrar á hæð. Hún var í gallabuxum og brúnum peysu þegar hún hvarf en fatnaður úr hennar fórum fannst á útivistasvæði í Uddevalle, en amma hennar býr á svæðinu.