Karlmaður frá Kóreu hefur verið ákærður fyrir umferðarlagabrot eftir að hafa ekið langt yfir leyfilegum hámarkshraða á Vesturlandsvegi í vor.

Maðurinn er fæddur 7. janúar 1991 og er því 35 ára gamall. Samkvæmt ákæru er hann með óþekkt lögheimili í Kóreu.

Honum er gefið að sök að hafa sunnudaginn 3. maí 2026 ekið bifreið um Vesturlandsveg við Ölver í Hvalfjarðarsveit á 149 kílómetra hraða á klukkustund, að teknu tilliti til vikmarka. Leyfður hámarkshraði á veginum var 90 kílómetrar á klukkustund og var hann því 59 kílómetrum yfir hámarkshraða.

Lögreglustjórinn á Vesturlandi krefst þess að maðurinn verði dæmdur til refsingar, greiðslu alls sakarkostnaðar og sviptingar ökuréttar.

Málið verður þingfest í Héraðsdómi Vesturlands í Borgarnesi 10. nóvember næstkomandi.