Handboltaparið Anton Gylfi Pálsson og Jónas Elíasson koma til með að dæma á úrslitahelgi Meistaradeildar Evrópu í næsta mánuði.

Úrslitahelgin fer fram í Lanxess Arena í Köln í Þýskalandi.

Félagarnir Anton og Jónas munu dæma fyrri undanúrslitaleikinn, þann 14. júní, en þar mætast Füchse Berlin og Nantes.

Kemur fram að Norður-Makedóníska dómaraparið Slave Nikolov og Gjorgi Nachevski dæma svo seinni undanúrslitaleikinn sem er á milli Barcelona og Magdeburg.

Vert er því að geta þess að tvíburabræðurnir Igor og Alexei Covalciuc - sem eru frá Moldóvu - dæma leikinn um 3. sætið, sunnudaginn 15. júní: Slóvenarnir Bojan Lah og David Sok dæma síðan úrslitaleikinn þennan sama dag.

Er þetta í fimmta sinn sem þeir Anton og Jónas dæma saman á úrslitahelgi Meistaradeildarinnar, enda eitt albesta dómarapar heimsins.