Lögreglan hafði afskipti af fjölda mála á höfuðborgarsvæðinu í dag, þar á meðal umferðarslysum, innbrotum og þjófnuðum úr verslunum.
Tilkynnt var um tvö umferðarslys þar sem ekið var á gangandi vegfarendur. Í öðru tilvikinu, sem gerðist Laugardalnum, hlaut vegfarandi óveruleg meiðsli og var fluttur með sjúkrabifreið á sjúkrahús til frekari skoðunar. Í hinu tilvikinu hlaut viðkomandi minniháttar áverka og kvartaði undan verk í baki.
Einnig varð umferðarslys í Garðabæ þegar ökumaður ók á ljósastaur. Viðkomandi hlaut minniháttar áverka.
Lögreglu bárust tilkynningar um innbrot á nokkrum stöðum. Brotið var inn í íbúðarhúsnæði og er málið nú til rannsóknar. Þá var brotist inn í fyrirtæki í sama hverfi þar sem bifreið var stolið og skemmdir unnar á húsnæði. Í Garðabæ var jafnframt brotist inn í fyrirtæki og verkfærum stolið, auk þess sem tilkynnt var um innbrot í nýbyggingu á sama svæði.
Nokkur þjófnaðarmál komu einnig upp í verslunum.
Lögregla hafði einnig afskipti af einstaklingi til vandræða í Reykjavík og var honum veitt tiltal. Þá barst tilkynning um einstakling sem kastaði af sér þvagi við verslun í Reykjavík. Þegar lögregla kom á vettvang var viðkomandi farinn.
Í umferðareftirliti í Kópavogi var ökumaður stöðvaður sem grunaður er um akstur undir áhrifum áfengis og fíkniefna. Í Grafarvogi var annar ökumaður stöðvaður í akstri en kom í ljós að hann hafði verið sviptur ökuréttindum.
Málin eru ýmist til rannsóknar eða hafa verið afgreidd á vettvangi.
