Jevgenijs Portnovs hefur verið dæmdur í fangelsi af Héraðsdómi Reykjaness en dómur þess efnis var birtur í vikunni.

Hann var ákærður fyrir að hafa, laugardaginn 20. apríl 2024, veist með ofbeldi að konu innandyra í Kópavogi, og slegið hana með krepptum hnefa í andlitið með þeim afleiðingum að hún hlaut brot á nefbeini.

Í dómnum kemur fram að hann hafi sagt skipuðum verjanda sínum að hann myndi mæta í réttarhöldin og hafi síðar afboðað sig. Eftir það hafi hann hætt að svara símtölum lögmannsins.

Portnovs var dæmdur í þriggja mánaða fangelsi og er dómurinn skilorðsbundinn til tveggja ára. Þá þarf hann greiða fórnarlambi sínu 600.000 krónur með vöxtum.