Fallegt og vel skipulagt einbýlishús við Viðjugerði 12 hefur verið sett á sölu.

Um er að ræða rúmgóða og mikið endurnýjaða eign sem byggð var árið 1974 og býður upp á fimm svefnherbergi ásamt fjölbreyttum nýtingarmöguleikum.

Húsið hefur fengið viðamiklar endurbætur á síðustu árum þar sem lögð hefur verið áhersla á gæði, hönnun og vandað efnisval. Á árunum 2012–2013 var eignin tekin í gegn bæði að innan sem utan. Árið 2018 var húsið allt pússað og málað að utan, baðherbergi á efri hæð var endurnýjað árið 2021 og árið 2024 var parket á efri hæð pússað og olíuborið.

Frá efri hæð hússins er fallegt útsýni til suðvesturs sem nýtur sín sérstaklega vel. Á neðri hæð er þriggja herbergja íbúð með sérinngangi sem getur hentað vel til útleigu eða sem sjálfstæð aðstaða fyrir fjölskyldumeðlimi.

Fyrir framan húsið er glæsilegt bílaplan með mynstursteypu og snjóbræðsluhita með plássi fyrir 4–5 bíla. Sérstök áhersla hefur verið lögð á frágang utanhúss en LED-lýsing er í stigahandriði og ljósablómapottar prýða bílaplanið.

Ásett verð eignarinnar er 285 milljónir króna