Lögreglam á höfuðborgarsvæðinu sinnti fjölbreyttum verkefnum í nótt, þar á meðal umferðaróhöppum, líkamsárásum og brotum tengdum áfengi og fíkniefnum.

Tilkynnt var um tvö umferðaróhöpp þar sem ekið hafði verið á kyrrstæðar bifreiðar. Í báðum tilvikum var um minniháttar tjón að ræða og engin meiðsli urðu á ökumönnum.

Lögregla stöðvaði einnig tvær bifreiðar þar sem ökumenn eru grunaðir um akstur undir áhrifum áfengis og/eða fíkniefna. Í öðru tilvikinu er ökumaður jafnframt grunaður um vörslu fíkniefna. Málin eru í rannsókn.

Óskað var eftir aðstoð lögreglu vegna einstaklings sem svaf ölvunarsvefni. Viðkomandi var fluttur með sjúkrabifreið á bráðamóttöku til skoðunar.

Tvær tilkynningar bárust um þjófnað úr verslunum. Í báðum tilvikum voru grunaðir yfirheyrðir og síðan látnir lausir að lokinni skýrslutöku.

Að auki bárust tvær tilkynningar um líkamsárásir. Málin eru til rannsóknar hjá lögreglu.