Ísland er í umspili um það hvort liðið haldi sæti sínu í A deild Þjóðadeildarinnar eða falli í B-deild (League A/B play-offs). Þar munu liðin sem höfnuðu í 3. sæti síns riðils í A-deild (eins og Ísland) mæta liðunum sem höfnuðu í 2. sæti síns riðils í B-deild.

Nú er búið að draga - en fyrirfram gat Ísland mætt Finnlandi, Írlandi, Norður-Írandi eða Tékklandi.

Upp úr pottinum kom lið Norður-Írlands og munu liðin etja kappi tvívegis, heima og að heiman.

Sé tekið mið af styrkleikalista FIFA er þetta besti dráttur mögulegur fyrir íslenska liðið; Norður-Írland er í 44. sæti listans en Ísland í því 13.

Norður-írsku stúlkurnar enduðu með átta stig í sínum riðli í B-deildinni.

Leikirnir verða spilaðir 22. og 28. október. Umspilið hefst á útileik og síðari leikurinn fer fram hér heima.