Lögregla sinnti fjölbreyttum verkefnum víða um höfuðborgarsvæðið í gærkvöldi og í nótt, þar á meðal umferðarlagabrotum, handtökum og rannsókn alvarlegra mála.

Í miðborginni var ökumaður stöðvaður fyrir að aka inn á göngugötu. Málið var afgreitt með sekt. Í hverfi 105 var maður í annarlegu ástandi til vandræða og var hann vistaður í fangageymslu. Þá var ökumaður einnig stöðvaður í sama hverfi fyrir of hraðan akstur, þar sem hann mældist á 111 km hraða þar sem hámarkshraði er 80 km/klst., og fékk sekt í kjölfarið.

Svo var ökumaður stöðvaður vegna gruns um ölvunarakstur. Hann var látinn laus að lokinni blóðsýnatöku. Sambærileg mál komu upp í hverfum 221 og 161, þar sem ökumenn voru stöðvaðir grunaðir um akstur undir áhrifum fíkniefna og voru þeir einnig látnir lausir að lokinni blóðsýnatöku.

Tilkynnt var um innbrot og þjófnað í heimahúsi í Garðabæ. Gerandi er ókunnur og málið er í rannsókn.

Í Kópavogi var ökumaður stöðvaður við akstur, en við athugun kom í ljós að hann var ekki með gild ökuréttindi. Málið var afgreitt með sekt.

Alvarlegri atvik áttu sér stað í Grafarvogi, þar sem tveir menn voru handteknir fyrir brot á skotvopnalögum. Annar þeirra var vistaður á Stuðlum vegna aldurs, en hinn í fangageymslu. Síðar sama dag var annar maður handtekinn í hverfinu fyrir að fara ekki að fyrirmælum lögreglu, en hann var látinn laus eftir samtal við varðstjóra.

Auk þess sinnti lögregla almennu eftirliti og aðstoð við borgara eftir þörfum.