Vísir greinir frá því að íslenskir ríkisborgarar hefðu lent í alvarlegu umferðarslysi í Suður-Afríku og að borgaraþjónusta utanríkisráðuneytisins sé með málið á sinni könnu.

Um er að ræða íslenska fjölskyldu sem búsett er á Íslandi, samkvæmt heimildum fréttastofu Vísis. Utanríkisráðuneytið staðfestir í svari til Vísis að því sé kunnugt um slysið og að málið sé á borði borgaraþjónustunnar.

Í svarinu segir: „Utanríkisráðuneytinu er kunnugt um að íslenskir ríkisborgarar hafi lent í alvarlegu umferðarslysi í Suður-Afríku. Málið er á borði borgaraþjónustu utanríkisráðuneytisins. Ekki er hægt að veita frekari upplýsingar um málið“.