Kona á fertugsaldri lést í alvarlegu slysi á bílaplani Sláturfélags Suðurlands á Hvolsvelli að kvöldi 30. desember, þegar ekið var yfir hana á vörubíl. Málið er til rannsóknar hjá lögreglu og er rannsakað sem slys.

Í samtali við fréttastofu Vísis staðfesti Þorsteinn M. Kristinsson, aðalvarðstjóri hjá lögreglunni á Suðurlandi, að lögreglu hafi borist útkall skömmu fyrir miðnætti á þriðjudag. Konan var flutt á sjúkrahús í kjölfarið, þar sem hún var síðar úrskurðuð látin.

Nánari upplýsingar um atvik málsins liggja ekki fyrir að svo stöddu en ekki hefur neinn verið handtekinn vegna þess.