Íslenska kvennalandsliðið gerði 1-1 jafntefli við landslið Noregs fyrr í kvöld en leikurinn fór fram í Noregi og er hluti af Þjóðardeild UEFA.

Leikurinn byrjaði nokkuð jafnt en það tók Ísland aðeins 15 mínútur að komast yfir yfir með glæsilegu marki frá Sveindísi Jane eftir góða sendingu frá Karólínu Leu. Liðin skiptust svo á að fá ágætis færi það sem eftir var leiks og er hægt að hrósa Cecilíu í markinu fyrir hennar frammistöðu stærsta hluta leiksins.

Það var hins vegar á 83. mínútu að Glódís Perla varð fyrir því óláni að skora sjálfsmark eftir lélegt úthlaup Cecilíu og niðurstaðan því 1-1 jafntefli.

Sennilega sanngjörn niðurstaða miðað við gang leiksins.

Jafnteflið þýðir að Ísland er með 4 stig í riðlinum í 3. sæti af fjórum en Noregur er í 2. sæti með 5 stig. Ísland mætir liði Frakklands í næstu viku í síðasta leik riðilins.