Guðmundur Ingi Kristinsson narnamálaráðherra segir það mjög sláandi að tilkynningum um vanrækslu barna, ofbeldi gegn börnum og á milli barna hafi fjölgað mikið en 46 tilkynningar bárust barnavernd daglega í fyrra, að meðaltali.

Segir barna- og menntamálaráðherra að „auka þurfi forvarnir.“

Eins og kom fram í fréttum í vikunni þá hefur tilkynningum til barnaverndar fjölgað talsvert, samkvæmt skýrslu Barna- og fjölskyldustofu.

Sautján þúsund tilkynningar bárust í fyrra, og það er um tíu prósenta fjölgun frá fyrra ári.

Flestar tilkynningar voru vegna vanrækslu eða rúm fjörutíu prósent, ofbeldi gegn börnum í um fjórðungi tilfella; rúmlega þriðjungar var vegna áhættuhegðunar og síðan um það bil eitt prósent sem var hlutfall tilkynninga þar sem heilsu eða lífi ófædds barns var stefnt í voða.

Segir Guðmundur tölurnar vera sláandi:

„Við munum rýna í allar þessar tölur og við erum þegar byrjuð að rýna í tölurnar“ og bætir því við að „eitt af því sem var kannski jákvætt í þessu er það að börn eru farin að segja sjálf frá ofbeldinu,“ og vegna þess getum „við gripið fyrr inn í en við munum skoða þetta og rýna þetta mjög vel og bregðast við.“

Fjölgaði tilkynningum vegna neyslu barna á vímuefnum - eða öðrum skaðlegum efnum - um 60%. og einnig fjölgaði tilkynningum um börn sem beita ofbeldi og vegna afbrota barns:

„Þetta tókst á sínum tíma að útrýma reykingum svo til algjörlega“ segir Guðmundur Ingi og leggur mikla áherslu á að „auka þurfi forvarnir.og núna þurfum við bara að bregðast við þessu“ og bætir því við að lokum að þetta sé „bara okkar áskorun og við munum taka hana og við munum bretta upp ermarnar og auka forvarnir.“