Njarðvík varð í dag bikarmeistari kvenna í körfubolta, en liðið tryggði sér bikarinn með sigri á Grindavík, 81-74.

Er þetta í annað sinn sem kvennalið Njarðvíkur hampar bikarnum góða; sá fyrsti kom árið 2012.

Leikurinn í dag var jafn og spennandi mestallan tímann og það var ekki fyrr en undir lokin að Njarðvík steig á bensínið af krafti og landaði flottum sigri í vel heppnuðum og skemmtilegum bikarúrslitaleik.

Til hamingju Njarðvík!