Í dagbók lögreglu er eitt og annað að finna. Tilkynnt var um slagsmál á milli tveggja aðila, lögregla fór á vettvang og ræddi við aðilana. Einn var handtekinn vegna gruns um ólöglega dvöl í landinu og hann er einnig grunaður að starfa hér á landi án leyfis. Hann var vistaður í klefa í þágu rannsóknar.

Tilkynnt var um aðila sem braust inn í fyrirtæki í miðbænum. Hann yfirgaf hins vegar vettvanginn fljótt er hann áttaði sig á því að það var fólk innandyra. Aðilinn fannst stuttu síðar þar sem hann var að reyna að brjótast inn í bifreið og var þá handtekinn og fluttur á lögreglustöð þar sem hann var vistaður í klefa í þágu rannsóknar.

Lögregla veitti ökumanni eftirför - ökumaður sinnti ekki stöðvunarmerkjum lögreglu. Ók á miklum hraða á móti umferð. Handtekinn stuttu síðar; grunaður um akstur undir áhrifum áfengis.

Fjórir aðilar handteknir grunaðir um ölvun við akstur og umferðaróhapp eftir að bifreið endaði inn í verslun. Þeir voru allir vistaðir í klefa í þágu rannsóknar en rannsókn málsins snýst meðal annars að því hver var að aka bifreiðinni þegar bifreiðin endaði inn í versluninni.

Ökumaður einn var stöðvaður vegna gruns um of hraðan akstur. Hann mældist á 102 km/klst þar sem hámarkshraði er 80 km/klst. og var hann sviptur ökuréttindum vegna þessa.

Aðili kærður fyrir brot á lögreglusamþykkt fyrir að kasta af sér vatni fyrir utan íþróttaheimili.