Rapparinn Emmsjé Gauti hefur heldur betur slegið í gegn á undanförnum árum með Jülevenner-tónleikana sína en óhætt er að segja að hann hafi algjörlega breytt því hvernig Íslendingar hugsa um jólatónleika.

Jülevenner þetta árið fóru fram síðustu helgi og voru tónleikarnir mikið sjónarspil en þeir fóru fram í ÍR-heimilinu í Breiðholti en rapparinn er sjálfur úr því hverfi.

Margir góðir gestir komu fram á tónleikunum og er hægt að nefna Birni, Röggu Gísla, Bríeti og Steinda Jr.

Víkingur Óli Magnússon, ljósmyndari Mannlífs, var á svæðinu og skrásetti viðburðinn.