Ritstjórn Facebook-hópsins Ég segi nei við ESB hefur nú farið í það sem hún kallar „páskahreingerningu“, með því að henda út fólki sem ritstjórnin segir að hafi annað hvort notast við gervigreindarforrit, þá sennilega til að sýna fram á ágæti ESB, eða „leikið durta“.

Í tilkynningu frá ritstjórninni birtir hún samsettar myndir af karlmönnum sem nú hafa verið reknir út Facebook-hópnum, sem telur um sjö þúsund fylgjendur. Þar kemur meðal annars fram að fleiri úr röðum JÁ-ara séu í hópnum og þeim líkt við lúsmýjarfaraldur í athugasemdakerfi síðunnar. Útilokar ritstjórnin ekki frekari hreingerningar seinna.

Hér má lesa færsluna:

„Í tilefni af páskum ætlum við í ritstjórninni að gera svolitla páskahreingerningu hérna á síðunni. Tilefnið er að þið - sem eruð á myndunum hér að neðan - kunnið ykkur bara ekki, strákar mínir!

„Við þökkum ykkur samfylgdina og vonum að þið finnið ykkur annað uppbyggilegra áhugamál að dunda ykkur við en að kópera niðurstöður úr gervigreindarforritum og/eða leika durta.“

Es: Auðvitað eru þeir fleiri úr röðum JÁ-arar sem eru eins og lúsmýjarfaraldur í kommentakerfum síðunnar og ekki útilokað að við ráðumst í aðra hreingerningu síðar.

Gleðilega páska.“