Gísli Þorgeir er eðlilega afar feginn að sleppa við aðgerðina á öxlinni eftir meiðsli nýverið. Og allir handboltaaðdáendur líka enda kappinn einn af þeim bestu í heiminum.

Gísli Þorgeir staðfestir þessar ánægjulegu fréttir í samtali við Vísi.

Hann meiddist eftir nokkrar mínútur er lið hans Magdeburg vann Lemgo í þýsku bundesligunni í handbolta um helgina sem leið.

Hér er um að ræða meiðsli á vinstri öxl Gísla Þorgeirs; og er þetta ekki í fyrsta skipti sem Gísli Þorgeir meiðist á öxl.

Lið Gísla Þorgeirs, Magdeburg, er á toppi þýsku deildarinnar með 55 stig, en lokaumferðin fer síðan fram um næstu helgi og er Gísli í kapphlaupi við tímann og meiðslin.

Þá mun Magdeburg mæta Barcelona í undanúrslitum Meistaradeildar Evrópu þann 14. júní næstkomandi og óvíst er hvort hann geti verið með liðinu í þeim leik.