Víðir Reynisson, þingmaður Samfylkingarinnar, lýsir áhyggjum og efasemdum gagnvart hækkunum á veiðigjöldum en miklar umræður hafa skapast um málið í samfélaginu og á Alþingi.

„Við sögðumst ætla að hækka veiðigjöld­in. Við sögðumst ekki ætla að gera það svona hratt og það er það sem ég hef áhyggj­ur af í mál­inu í heild sinni,“ sagði Víðir á ráðstefnu sem Eyjafréttir héldu um veiðigjaldafrumvarp ríkisstjórnarinnar. Aðrir gestir á fundinum voru Guðrún Hafsteinsdóttir, formaður Sjálfstæðisflokksins og Vilhjálmur Árnason, þingmaður Sjálfstæðisflokksins, en þau eru öll þingmenn í Suðurkjördæmi.

„Kannski af því að ég er Eyjamaður, ég veit það ekki, ég ekk­ert svona rosa­lega svart­sýnn eins og hér hef­ur verið málað upp í svört­ustu mynd­un­um,“ sagði Víðir. „Því fyrr sem að það ligg­ur fyr­ir hvernig þetta mál verður því betra fyr­ir alla. Það er vont að vera í óvissu mjög lengi. Ég held að það sé eitt­hvað sem þau sem hér hafa talað og reka þessi glæsi­legu fyr­ir­tæki þekkja vel.“

Hann segir þó að hann sé búinn að hlusta og hafi tekið við gögnum um málið. Þá hafi hann komið áhyggjum sínum á framfæri við viðeigandi aðila sem tengjast frumvarpinu.