Freyja Egilsdóttir sleit sambandi sínu við Flemming Mogensen eftir að hún fann hræðilega hluti í tölvu hans. DV greinir frá þessu og vitnar í Séð og heyrt í Danmörku. Vinur Flemmings lýsir þar aðdraganda morðsins og segir félaga sinn „førsteklasses psykopat„, fyrsta flokks siðblindingja. Hreinlega snargeðveikur.
Flemming hefur viðurkennt að hafa orðið Freyju að bana en þau kynntust þegar hann var að ljúka afplánun vegna morðs á fyrri eiginkonu. Flemming stakk hana 18 sinnum árið 1995 og fékk fyrir það 10 ára dóm. Átta árum síðar giftist hann Freyju en þau kynntust í sérstöku prógrammi fyrir fanga á reynslulausan. Flemming átti eitt barn með fyrra fórnarlambi sínu og tvo með Freyju.
Freyja skildi við Flemming að borð og sæng fyrir um ári síðan, milli jóla og nýárs árið 2019. Þá fann hún eitthvað í tölvu hans sem var svo slæmt að hún gat ekki hugsað sér að hann tæki þátt í uppeldi barna þeirra. Séð og heyrt fer ekki nánar út í það.
Vinur Flemmings virðist ekki hafa orðið hissa þegar hann fékk fregnir af því sem gerðist. Hann hafi hringt strax í vin sinn Flemming þegar greint var frá hvarfi Freyju. „Ég greip tólið þegar ég frétti það. Mig grunaði að hann hefði flúið til Svíþjóðar. Ég fann þetta á mér og það reyndist rétt,“ segir vinurinn en Flemming hafði sjálfur samband við lögreglu eftir að lýst var eftir Freyju. Vinurinn hafði þá rétt fyrir sér hvað það varðar.
Athugasemdir