Þórhildur Gyða um yfirlýsingu Kolbeins: „Ég harma að hann sé að ráðast á mig og saka mig um lygar“

Þór­hildur Gyða Arn­ars­dóttir seg­ist harma það að Kolbeinn Sig­þórs­son, knatt­spyrnu­maður, saki hana um lygar í yfir­lýs­ingu sem hann sendi frá sér fyrir stuttu.

Eins og alþjóð veit þá steig Þór­hildur Gyða Arn­ars­dóttir fram í við­tali við RÚV á dög­unum þar sem hún lýsti kyn­ferð­is­of­beldi því sem hún varð fyrir af hálfu lands­liðs­manns í knatt­spyrnu í sept­em­ber árið 2017.

Gott er að hafa það á hreinu að Þór­hildur Gyða nafn­greindi aldrei árás­armann­inn en Mannlíf var hins vegar sá fjöl­mið­ill sem fyrstur nafn­greindi Kolbein og aðrir fylgdu í kjöl­farið. Mannlíf reyndi ítrekað að fá við­brögð frá Kolbeini áður en hann var nafn­greindur og vissi hann vel að von væri á grein þar sem nafn hans kæmi fram. Kolbeinn svar­aði ekki, en neit­aði hisn vegar heldur ekki; heim­ildir Mannlífs voru hins vegar það áreið­an­legar að ákveðið var að birta nafn hans, auk þess sem hann hefði auð­veld­lega getað leið­rétt mis­skiln­ing eða rang­indi varð­andi frétt­ina, sem hann gerði ekki.

Eftir að Kolbeinn gaf út opin­bera yfir­lýs­ingu í dag varð­andi ofbeld­is­hegðun hans gagn­vart Þórhildi Gyðu sá hún sig knúna til að tjá sig um þá yfir­lýs­ingu, enda fannst henni ekki allt sem þar kom fram vera í lagi.

Í áður­nefndu við­tali Þór­hildar Gyðu við RÚV sagði hún að Kolbeinn hafi beðist afsök­unar

og ját­aði það sem hún sagði honum að hann hefði gert henni; og að Kolbeinn hafi ekki dregið það ekki í efa.

Ef yfir­lýs­ing Kolbeins er skoðuð nánar þá kemur hins vegar fram, sem stang­ast á við frá­sögn Þór­hildar Gyðu, að hann hafi ekki kann­ast við að hafa áreitt Þórhildi né beitt ofbeldi og neit­aði sök. Kolbeinn segir að „hegðun mín var hins vegar ekki til fyr­ir­myndar og baðst ég afsök­unar á henni,“ segir Kolbeinn í yfir­lýs­ingu sinni.

En í stuttu spjalli við frétta­mið­il­inn Vísi seg­ist Þór­hildur Gyða undr­ast við­brögð Kolbeins:

„Ég hef aldrei nafn­greint mann­inn og steig ekki fram til að ráð­ast á hann per­sónu­lega. Þess vegna harma ég að hann sé að ráð­ast á mig og saka mig um að ljúga. Ég lýsti því bara sem átti sér stað svo fólk gerði sér grein fyrir alvar­leik­anum. Ástæðan var aldrei að fara á eftir honum per­sónu­lega, heldur til að varpa ljósi á að KSÍ væri að ljúga, það var það sem ég ein­blíndi á.“

Eins og komið hefur fram var einn þátt­ur­inn í sam­komu­lagi Þór­hildar Gyðu og Kolbeins að hann myndi greiða þrjár millj­ónir króna til Stíga­móta; það hafi algjör­lega verið hug­mynd hennar en ekki hug­mynd Kolbeins, eins og Þórhildi fannst Kolbeinn gefa í skyn í yfir­lýs­ingu sinni, enda væri það svo að „ég sjálf hef verið mjög lengi á Stíga­mótum og kann að meta þeirra starf.“

Þór­hildur nefnir að hug­myndin um greiðsl­una til Stíga­móta hefði komið upp vegna þess að henni fannst að Kolbeinn „þyrfti að borga til baka til sam­fé­lags­ins vegna þess hvernig hann hegð­aði sér og út af þess­ari árás.“