„Ég barði á hurðina og ég man að það fyrsta sem ég sagði“: „Kolbeinn Sigþórsson er að drepa mig“

Ég barði á hurð­ina og ég man að það fyrsta sem ég sagði: „Kolbeinn Sig­þórs­son er að drepa mig.“

Þór­hildur Gyða Arn­ars­dóttir, sem greindi frá ofbeldi og grófri kyn­ferð­is­legri áreitni af hálfu lands­liðs­manns­ins Kolbeins Sig­þórs­sonar.

Hún segir frá því að hún hafi ótt­ast um líf sitt á skemmti­staðnum B5, þegar Kolbeinn tók hana háls­taki.

Þór­hildur er nýjasti gestur í hlað­varp­inu Eigin Konur. Þar rifjar hún upp erf­iða reynslu sína frá þessu afdrifa­ríka kvöldi haustið 2017. 

„Ég var að tala við vin­konu mína, svo kveð ég hana, stend upp og er að fara frá flösku­borð­inu og þá allt í einu er ég bara með hendi í klof­inu. Fyrstu við­brögð eru alltaf að frjósa. Ég var bara „oh my god“ hvað er í gangi?” segir Þór­hildur og bætir við:

“Þá situr hann þarna og horfir á mig. Hann sleppti ekk­ert og ég vissi ekk­ert hvað ég átti að gera. Mig minnir að ég hafi sagt: „Væri þér sama?“ eða eitt­hvað svona. Hann sagði „Hvað ætlarðu að gera í þessu“ og ég sagði bara „ha?“

Heldur áfram:

„Ég pældi þannig séð ekk­ert í þessu.“ Eftir atvikið óskemmti­lega hafi Þór­hildur farið frá Kolbeini og reynt að hætta að hugsa um þetta. 

„Síðan er ég úti í port­inu niðri á bak­við B5 og er að labba aftur inn þegar ég heyri ótrú­lega mikil læti. Þá var hann þar og portið virk­aði þannig að ef þú lok­aðir hurð­inni þá varstu læstur úti. 

Hann var búinn að segja við mig að hann ætti stað­inn og eitt­hvað svo­leiðis og þess vegna gæti ég ekk­ert gert í þessu með hönd­ina í klof­inu,“ segir Þór­hildur. Kolbeinn hefur þó aldrei átt neitt í B5, en bróðir hans, Andri Sig­þórs­son, sem er líka umboðs­maður Kolbeins, var einn af eig­endum stað­ar­ins á þessum tíma en ekki Kolbeinn.

„Ég spurði: „Veistu þá ekki að þú átt ekki að loka þess­ari hurð?“ Hún segir Kolbein þá hafa hraunað hressi­lega yfir sig: “Þá fékk ég alls konar ljót orð yfir mig. “

Ég svar­aði fyrir mig og sagði: 

„Manstu ekki eftir and­litum, bara píkum?“ og þá brjál­að­ist hann.“ Um leið og Þór­hildur gerði sig lík­lega til að ganga út úr port­inu seg­ist hún hafa gengið fyrir Kolbein sem hafi tekið hana háls­taki.

„Allt í einu var ég í chokehold og fraus algjör­lega. Ég vissi ekk­ert hvað ég átti að gera. Fyrir til­viljun labb­aði strákur út af kló­sett­inu beint fyrir framan. 

Hann losar aðeins um mig þannig að ég náði að gefa honum oln­boga­skot og taka sprett­inn upp á aðra hæð inn á Búlluna og á starfs­manna­svæði. Ég barði á hurð­ina og ég man að það fyrsta sem ég sagði: „Kolbeinn Sig­þórs­son er að drepa mig.“ Ég hef aldrei verið jafn hrædd um líf mitt.“