Þórdís Lóa segir enga ákvörðun liggja fyrir um pálmatrén í Vogabyggð: „Málið er enn í vinnslu“

„Málið var sett í raun­hæf­is­mat og það er þar enn þá. Það er algjör mis­skiln­ingur að það sé komið úr því,“ segir Þórdís Lóa Þór­halls­dóttir, for­maður borg­ar­ráðs og odd­viti Við­reisnar í borg­ar­stjórn Reykja­víkur, um frétt þess efnis að búið sé að gefa grænt ljós á að flytja inn pálma­tré í gler­kúpli í Voga­byggð.

Um er að ræða lista­verk eftir þýska lista­mann­inn Karin Sander, sem sigr­aði í sam­keppni borg­ar­innar um úti­lista­verk í Voga­byggð árið 2019. Verkið, þá einkum og sér í lagi fram­kvæmd þess og kostn­aður við það, var gagn­rýnt nokkuð á sínum tíma.

Borg­ar­full­trúar Sjálf­stæð­is­flokks­ins voru meðal þeirra sem vildu að áformin yrðu end­ur­skoðuð. Vigdís Hauks­dóttir, borg­ar­full­trúi Mið­flokks­ins, hefur sömu­leiðis haldið á lofti mik­illi gagn­rýni á verkið.

Árið 2020 var ákveðið að fram færi raun­hæf­is­mat á verk­efn­inu.

Í fyrri frétt Mannlífs sagði að nið­ur­staða úr raun­hæf­is­mati lægi nú fyrir; ger­legt væri að rækta pálma­tré við þessar aðstæður, trjánum yrði fækkað úr tveimur í eitt og verk­efnið því form­lega sett á dag­skrá.

Það leið­rétt­ist hér með.

Ljóst er að verk­efnið hefur ekki enn fengið grænt ljós – heldur er það enn á gulu.

„Sú vinna er bara enn þá í gangi og þó það sé komin ein­hver mögu­leg nið­ur­staða í ein­hverjum vinnu­hópi, þá er ekki komin form­leg nið­ur­staða. Þannig að málið er enn í vinnslu. Ég er alveg búin að heyra að það sé búið að breyta aðeins og að það eigi mögu­lega að vera eitt tré, en það á alveg eftir að kostn­að­ar­greina þetta allt saman. Þannig að út frá ákvörð­un­ar­töku okkar í borg­ar­ráði, þá er málið bara enn þá í vinnslu.“

Þórdís Lóa segir að Mið­flokk­ur­inn hafi verið með fyr­ir­spurn um málið í borg­ar­ráði, en þar var ein­göngu verið að athuga hvar málið væri statt. Hún seg­ist halda að ekki sé búið að svara þeirri fyr­ir­spurn form­lega. Það sé því algjör­lega byggt á mis­skiln­ingi að ein­hver ákvörðun liggi fyrir um fram­tíð pálmatrjáa í Voga­byggð.

Þannig að það er eng­inn búinn að ákveða hvort af verk­efn­inu verði?

„Nei. Það er ekki búið að taka neinar svo­leiðis ákvarð­anir. Við erum ekki einu sinni með gögn í hönd­unum til að gera það. Það eina sem ég get sagt er að þetta bara fór í raun­hæf­is­mat, bæði tækni­legt og fjár­hags­legt. Það er ekki búið að taka neina afstöðu – það er ekki klárt,“ segir Þórdís Lóa að lokum.