Baldur gefst upp á Vigdísi Hauks: „Ég tilkynni hér með úrsögn mína úr Miðflokknum“

Baldur Borg­þórs­son sendi frá sér yfir­lýs­ingu á Facebook-síðu sinni þar sem hann til­kynnir að hann sé hættur í Mið­flokknum.Eftir öllum sól­ar­merkjum að dæma er Baldur búinn að gef­ast upp á sam­starfi við hinn kollega sinn úr Mið­flokknum í stjórn Reykja­vík­ur­borgar, Vigdísi Hauks­dóttur – um aðra mann­eskju getur varla verið um að ræða þótt Baldur vissu­lega nafn­greini ekki Vigdísi í yfir­lýs­ing­unni.Hér að neðan má lesa yfir­lýs­ingu Baldurs í heild sinni:

Yfir­lýs­ing

Ég til­kynni hér með úrsögn mína úr Mið­flokknum.Ég lýsi því jafn­framt yfir að ég mun standa við kjör mitt með fram­boði M-lista og sitja áfram sem fyrsti vara­maður fram­boðs­ins í borg­ar­stjórn Reykja­víkur til loka yfir­stand­andi kjör­tíma­bils.Sveit­ar­stjórn­ar­menn eru sjálf­stæðir í störfum sínum og ég hyggst rækja skyldur mínar gagn­vart kjós­endum mínum af sömu heil­indum og ein­lægni og ég hef gert frá upp­hafi.Ekki er þörf á að tíunda ástæður ákvörð­unar minnar að öðru leyti en því að ég hef í störfum mínum í borg­ar­stjórn ítrekað orðið vitni að starfs­háttum og fram­komu undir merkjum Mið­flokks­ins sem ég get með engu móti sætt mig við.Með vin­semd og virð­ingu,Baldur Borg­þórs­son Vara­borg­ar­full­trúi M-lista í Reykja­vík