Lögregla og sjúkrabíll voru send á vettvang eftir að ferðamaður féll af Hopp hjóli við Laugalæk í Laugardalnum um sjöleytið í kvöld.

Ferðamaðurinn var með tveimur öðrum en var sá eini sem féll af hjóli sínu. Fossblæddi úr báðum höndum mannsins og taldi hann sig hafa handleggsbrotnað. Sjúkraflutningamennirnir gerðu að sárum hans þegar þeir komu á staðinn og tók lögreglan skýrslu af ferðamönnunum þremur og tók myndir af vettvangi en gangstéttin þar sem slysið átti sér stað hefur um árabil verið illa farin.

Ferðamennirnir þrír hringdu svo í leigubíl eftir að búið var að gera á sárum hins slasaða.