Glæsilegt og mikið endurnýjað einbýlishús að Hegranes 33 í Garðabæ hefur verið sett á sölu á 345 milljónir króna.

Um er að ræða vandaða eign á eftirsóttum stað sunnan megin á Arnarnesinu þar sem stutt er í helstu þjónustu, fallegar gönguleiðir og fjölbreytt útivistarsvæði.

Húsið stendur á rúmgóðri 1.520 fermetra eignarlóð og hefur verið endurnýjað með miklum metnaði á síðustu árum. Aðalhæð hússins hefur verið endurhönnuð frá grunni og lögð áhersla á vandaða hönnun og efnisval. Innanhússhönnun var í höndum Rut Káradóttur og innréttingar ásamt innihurðum voru sérsmíðaðar af Beyki smíðaverkstæði.

Samkvæmt skráningu Þjóðskrár Íslands er birt stærð eignarinnar 377,9 fermetrar. Þar af er aðalhæð skráð 189 fermetrar, íbúðarrými á neðri hæð 107 fermetrar og bílskúr 81,9 fermetrar. Á neðri hæð eru jafnframt þrjár aukaeiningar og á lóðinni stendur nýlegt garðhýsi.

Húsið var upphaflega byggt árið 1969 en hefur verið mikið endurnýjað og uppfært í takt við nútímakröfur. Eignin sameinar því klassíska byggingu og nútímalega hönnun á eftirsóttum stað í Garðabæ.