Helena Wright ung móðir frá Suður-Ástralíu svipti sig og sín tvö börn lífi. Helena stökk fram af kletti við Cape Northumberland ásamt tveimur börnum sínum, hinni 23 mánaða gömlu Hazel og þriggja mánaða gömlu Lewis.
Lík Helenu og Hazel fundust í sjónum og voru dregin upp af sjómönnum á staðnum. Leit að ungbarninu Lewis var hætt eftir mikla leit á landi og sjó þar sem lögregla telur engar líkur á að hann hafi lifað af. Leitað er áfram meðfram ströndinni.
Fram kemur að Helena hafi mætt á lögreglustöðina í Mt Gambier daginn áður en hún lést og beðið um aðstoð en hafi verið vísað frá. Lögreglan í Suður-Ástralíu sætir mikilli gagnrýni og þrýstingi um að útskýra hvað gerðist á lögreglustöðinni.
Vinur fjölskyldunnar hóf söfnun á GoFundMe til að styðja við bakið á eftirlifandi eiginmanni og föður, Brad Wright og til að fjármagna útförina ásamt flugi fyrir fjölskyldu Helenu sem býr í Eistlandi.
Lögreglan rannsakar málið sem morð- og sjálfsvíg (murder-suicide) og útilokar að aðrir tengist málinu. Málið er nú í höndum dánardómstjóra (coroner).
Dagarnir fyrir harmleikinn
Nágrannar sögðu hana virðast vera „frábæra móður“. Skömmu áður sást hún reglulega úti í garði að ýta dóttur sinni á rólum tímunum saman eða sinna garðinum sínum, sem hún var mjög stolt af. Hún og eiginmaður hennar voru mjög trúuð og mættu samviskusamlega í kirkju á hverjum sunnudegi og eyddi hún oft miklum tíma í að sauma föt á börnin sín.
Þrátt fyrir að virðast róleg út á við, sögðu þeir sem stóðu henni næst að hún hefði augljóslega verið þunglynd og átt erfitt uppdráttar. Litli sonur hennar, Lewis, var aðeins þriggja mánaða gamall og benda vísbendingar til þess að hún hafi mögulega glímt við alvarlegt fæðingarþunglyndi.
Ástand hennar versnaði til muna á sunnudeginum 26. júlí, þegar hún mætti á lögreglustöðina í Mount Gambier augljóslega í mikilli geðshræringu til að biðja um hjálp, en var snúið frá. Morguninn eftir mánudaginn 27. júlí hafði vinur hennar svo miklar áhyggjur að hann hringdi í lögreglu og bað um aðstoða velferðareftirlitsins. Þegar lögreglan mætti á heimilið um klukkan 9:30 var engin heima og hún þegar lögð af stað í átt að klettunum.
Ef þú eða einhver sem þú þekkir glímir við alvarlegt þunglyndi, vanlíðan eða sjálfsvígshugsanir er mikilvægt að leita hjálpar tafarlaust.
Hvert er hægt að leita á Íslandi?
- Píeta samtökin: Sími 552-2218 (opið allan sólarhringinn fyrir fólk í sjálfsvígsbáru og aðstandendur).
- Hjálparsími Rauða krossins: Sími 1717 (opið allan sólarhringinn, einnig netspjall á 1717.is).
- Heilsugæslan eða Bráðamóttaka geðsviðs: Hægt er að leita til næstu heilsugæslustöðvar á dagvinnutíma eða á bráðamóttöku geðsviðs Landspítalans í neyðartilfellum.
- Neyðarlínan: Sími 112 ef hætta er steðjandi.
